Diego Vasallo, La Posteridad Para Más Tarde

Diziplina anitzeko artista honen sormen prozesuaren intimitatean sartzeko aukera ematen digun dokumentala da “Diego Vasallo, geroa gerorako”. Musikari lotutako bere alderdia den arren ezagunena, Donostiako Duncan Dhu talde arrakastatsuko kide izan baitzen, Vasallok urteak daramatza beste diziplina artistiko batzuk lantzen, hala nola pintura, komikia eta poesia. Etxeko eta estudioko ateak ireki dizkigu, bere artista bizitzako egunerokotasunean egiten dituen urratsen lekuko izan gaitezen, dela oihalaren aurrean, dela abestiak sortzen.