Musika elektronikoa ezagun bihurtu zenean, haiek izan ziren ahaztuta geratu zirenak. Bebe Barron, Pauline Oliveros, Maryanne Amacher edo Eliane Radigue bezalako abenturazale sonikoez ari gara. Etorkizuneko soinu-paisaia moldatzen lagundu zuten emakumeak, zinta magnetikoarekin, lehen sintetizadoreekin eta gela osoa hartzen zuten ordenagailuekin. Film honen helburua da haiei egindako bidegabekeria historikoa eta haren ondarea konpontzea, artxiboko materialaren, protagonisten off-eko ahotsen, albistegien, bideoartearen, zinemaren, dantzaren eta irudi konputarizatuen muntaketa hipnotikoaren bidez. Zientzia, soinu-azterketa, entzute sakona, poesia, mistizismoa eta eguneroko borroka, etengabe gizonei kredituak letra handiz erreserbatzen dizkien mundu batean sartzeko. Funtsezkoa.