Nola sortu zen Zoo York mugimendua? Eta Supreme marka entzutetsua? Norengan inspiratu zen Larry Clark gaur egun klasiko gisa gurtua den Kids bere opera prima egiteko? All the Streets Are Silent: The Convergence of Hip Hop and Skateboarding (1987-1997) da erantzuna, 80ko hamarraldi amaierako Manhattanera eramaten gaituen Jeremy Elkin hasiberriaren energiaz betetako dokumentala. Stretch Armstrong, Rosario Dawson, Eli Gesner eta Yuki Watanabe dira 90eko hamarraldiko mundua irauliko zuten bi azpi-kulturek, Hip Hopa eta Skater kultura, bat egin zuteneko une zalapartatsurako bidaia honetan lagun izango ditugunak. "All the Streets Are Silent: The Convergence of Hip Hop and Skateboarding (1987-1997)" XX. mende amaieran urbanoaren erreferente eztabaidaezin gailendu zen New York baten erradiografia argitsua. 1980ko hamarraldi amaieran eta 1990eko hamarraldi hasieran, skatearen eta hip-hoparen kulturek talka egin zuten Manhattan erdigunean. Garai hartako artxiboko irudiek bi adierazpide horien arteko fusioa erakusten dute.