Nightclubbing: the Birth of Punk Rock in NY

Danny García / Espainia (World Premiere - 2022 - 80’ - VOSE)

Nightclubbing: The Birth of Punk Rock in NYC filmak New Yorkeko Max’s Kansas City klub entzutetsuaren eta Punk Rockari hasiera eman zion hiriko 70eko hamarraldiko rockaren historia kontatzen du. Hauxe da Max’s Kansas City New Yorkeko gaueko klun ezagunari eta musikaren, modaren, artearen eta kulturaren munduan izan duen eraginari buruzko lehenengo dokumentala. Alice Cooper-ek dioen bezala “Milioi bat ideia izan genuen han atzean”, Max’s Kansas Como klubaren dendaosteari buruz; hara joaten zen Andy Warhol beste artista, aktore eta musikari batzuekin, tartean Velvet Underground itzal handiko musika-taldeko kideak. Velvet taldeak, Alice Cooper-ek eta Iggy & The Stooges taldeek Max´s klubean jo zuten, New York Dolls taldea etxeko talde bihurtu baino lehen. CBGB kluba ireki baino urte batzuk lehenago izan zen hori. Billy Idol-ek filmean dioen bezala: “Punkaren etxeetako bat izan zen”. Alice Cooper eta Billy Idol-ez gain, New Yorkeko undergroundeko beste hainbat protagonista ezagun ikusiko ditugu Nightclubbing dokumentalean, hala nola Jayne County, Alan Vega (Suicide), Sylvain Sylvain (New York Dolls), Lenny Kaye (Patti Smith Group), JJ French (Twisted Sister), HR eta Dr. Know (Bad Brains), Harley Flanagan (Cro-Mags), Penny Arcade, Jimmy Zero (Dead Boys) eta veste asko.

Fitxa teknikoa

Zuzendaria: Danny García
Urtea: 2022
Herrialdea: Espainia
Iraupena: 80 min.
Jatorrizko hizkutza: Ingelesa
Protagonistak: Jayne County, Alice Cooper, Billy Idol, Elliott Murphy
Kameralari: Cesar Mendez, Mike Schnapp, Eric Ranx, Mark Brady

Editorea(k):

Produktoreak: Danny Garcia, Cesar Mendez, Mike Schnapp
Produkzio etxea: Chip Baker Film

Danny García

Danny Garcia Bartzelonakoa da eta 90eko hamarkadan hasi zuen bere karrera Espainiako musika-prentsan idazten. Harrezkero, kolaboratzaile izan da hainbat argitalpenetan, High Times aldizkari mitiko estatubatuarra barne. 2012an, The Rise and Fall of The Clash atera zen argitara, nolabaiteko polemika sorrarazi zuen dokumentala, The Clash taldearen amaiera iluna aztertzen duena. Bi urte geroago Looking for Johnny atera zen merkatura. 2016ko abenduan Sad Vacation dokumentala nazioartean banatu zen, Donostiako Dock of The Bay jaialdian dokumental onenaren saria jaso ondoren. 2016an, Festival In-Edit-en barruan, Autosuficientes aurkeztu zen. Dokumentalak errepaso bat egiten du Parálisis Permanente taldearen ibilbide laburrari buruz, Ana Curraren eskutik. 2019an, Danny Garciak bi dokumental berri aurkeztu ditu: STIV (Dead Boys eta Lords of The New Church taldeetako abeslari Stiv Batorsi buruzkoa) eta Rolling Stone: Life and Death of Brian Jones.