The Sound Is Innocent

Johana Ožvold / Txekiar Errepublika, Frantzia, Eslovakia (Opera prima - Espainiako estreinaldia - 2019 - 68’ - VOSE)

Zientzia-fikziozko film bat zuzenduko balu bezala, Johana Ožvold-ek musika elektronikoaren historia disekzionatzen du. Altzairuzko Teloiaren ondoren lan egiten zuten soinu-ingeniari aitzindarietatik hasi eta, abangoardiako konpositore frantziarretatik eta soinu-tresna digitalen sortzaile postmodernoetaraino, zinegileak paisaia abstraktu bat eta, aldi berean, eder bat erakartzen du. Ahots bat agertuko da artxibo futurista bateko labirintoan ahaztutako telebista-pantaila zaharretatik; bertan, iraganak eta etorkizunak elkarrekin existitzen direla dirudi, modu konplexuan eta geruza askorekin. Grabazio digitaleko taktikek eta ekipo analogikoek aukera berriak sortzeko erabiltzen dituzten estrategiak ikuspegi ludikoarekin behatzen ditu zinemagileak; zientzialari bat bere laborategian bere tresna eta jostailu gogokoenen artean izango balitz bezalaxe.

Fitxa teknikoa

Zuzendaria: Johana Ožvold
Urtea: 2019
Herrialdea: Txekiar Errepublika, Frantzia, Eslovakia
Iraupena: 68 min.
Jatorrizko hizkutza: Ingelesa, Frantsesa
Protagonistak: François Bonnet, Steve Goodman, Julia Rohruber, John Richards, Hannes Hoelzl, Alberto de Campo
Kameralari: Šimon Dvořáček
Editorea(k): Zuzana Walter
Produktoreak: Kristýna Michálek Květová
Produkzio etxea: Cinémotif Films

Johana Ožvold

Johana Ožvold 2016an graduatu zen zuzendaritza sailean FAMUn (Pragako Zinema Akademia). Kontserbadore gisa lan egiten du Txekiar Errepublikako zinema-artxibo nazionalean; antzerki-eszenarekin eta espazio alternatiboekin lan egiten du aldizka, eta antzerkian aktore, inprobisatzaile, idazle, musikari edo zuzendari gisa agertu izan da. Txekiar Irratiarekin kolaboratzen du, irrati antzezlanen idazle eta zuzendari gisa. Haren arte-lanek fikzioaren eta dokumentalaren arteko mugak gurutzatzen dituzte. "Hi, I'm doing fine" lizentziaturako ikaslea zenean grabatutako film laburrak, dokumental onenaren saria irabazi zuen 2014 IFF Fresh Film Fest-en, Mise scene Price Poitierseko IFF-ean eta Parisko IFF FIGÉ 2014 zinemaldian. 2015ean, "Familiar Strangers" eta "Process" fikziozko film laburrak zuzendu zituen, eta epaimahaiaren sari berezia jaso zuen IFF Febiofest SK-n 2016an. "Black Cake" fikziozko bere gradu amaierako filmak film onenaren eta zuzendari onenaren sariak irabazi zituen FAMUfest-en. “The Sound Is Innocent” Johanaren lehenengo film luze dokumentala da.