Gonbidatuak eta epaileak

Desirée de Fez

DESIRÉE DE FEZ Fotogramas aldizkariko eta El Periódico de Catalunya egunkariko kritikaria da, eta aldizkari eta web orri espezializatuetan parte hartzen du, Rockdelux eta PlayGround esaterako, zinemari buruz idatziz. Horrez gain, Página 2 (TVE 2) programako zinema atala koordinatzen eta aurkezten du eta Catalunya Ràdio irratiko La Finestra Indiscreta solasaldian aritzen da. Sitgeseko jaialdiko lantaldean ere parte hartzen du eta aurrekontu txikiko zinemari buruzko Cine Low Cost zikloko komisarioa da. Películas clave del cine de terror moderno liburua idatzi du eta honako liburu kolektibo hauetan parte hartu du: Jim Jarmusch. Itinerarios al vacío, Cuadernos de la Filmoteca Canaria: Michelangelo Antonioni, Teen Spirit. De viaje por el pop independiente, Sam Raimi: De la transgresión al neoclasicismo, Abel Ferrara. Adicción, acción y redención, Miradas para un nuevo milenio. Fragmentos para una historia futura del cine Español, Barbet Schroeder. Itinerarios y dilemas, Montxo Armendáriz: Itinerarios, American Gothic. Cine de terror USA 1968-1980, La contraola: Novísimo cine francés, Fatih Akin: El hogar errante, El thriller USA de los 70 (Colección Nosferatu), Don Siegel eta American Way Of Death: Cine negro americano 1990-2010. Berriki, Lo imposible liburua idatzi du, J. A. Bayonaren filmaren filmatzeari buruz, eta Neoculto argitalpena koordinatu du, Ángel Sala Sitgeseko jaialdiaren zuzendariarekin batera.

Felipe Cabrerizo

Felipe Cabrerizo (Donostia, 1973) Artearen Historian lizentziatua da Madrilgo Unibertsitate Autonomoan eta Zinematografiaren Historia eta Estetika masterra egin zuen Valladolideko Unibertsitatean. Halaber, Zinemaren Historialarien Espainiako Elkarteko (AEHC) kidea da. Hainbat artikulu eta kapitulu idatzi ditu liburu kolektiboetan eta aldizkari espezializatuetan, eta bakarka, berriz, hauek argitaratu du: Tiempo de mitos: las coproducciones cinematográficas entre la España de Franco y la Italia de Mussolini (2006) eta La Atenas militarizada: la industria cinematográfica en Gipuzkoa durante la Guerra Civil (2007). Prentsan dauka La Codorniz en cinta: del humorismo al cine y vuelta argitalpena; Espainiako Filmotekak 2013an argitaratuko du eta Santiago Aguilarrekin batera idatzi du. Gaur egun, Arte Ederren Zirkuluko Estudio Zinemako koordinatzailea da eta Radio Círculo irratian Psycho Beat! programa zuzentzen du; hain zuzen, programa hori 60ko hamarkadako Europako ye-yé eta beat arloan espezializatuta dago.

María Adell

María Adell (Valencia, 1977) kultur kudeatzailea eta zinema kritikaria da. Go Mag hileroko aldizkarian kolaboratzen du, baita zenbait online argitalpenetan ere, Numerocero eta Contrapicado kasu. Zinemari buruzko hainbat liburu idazten lagundu du, honako hauek esaterako: “Fatih Akin. El hogar errante” (Gijongo Zinema Jaialdia), “Español de cine. Lo que hay que ver” (Blume) edo “Very Funny Things: Nueva Comedia Americana” (Donostiako Zinema Jaialdia). “El Nueva York de las películas de Woody Allen” (Random House Mondadori) eta “El Nueva York de El padrino y otras películas de la mafia” (Lunwerg) liburuen egilekidea da. 2010 eta 2011 artean, Espainiako zinema nazioartean sustatzeko Pragda kultur ekimenean lan egin zuen, AEBko (Film Society of Lincoln Center, MOMA) eta Europako (BFI Southbank) erakundeetan zikloak eta jaialdiak antolatuz. 2011ko urtarriletik urrira, “Emergentes y Sumergidos” asteroko zine zikloa antolatu zuen; ziklo horretan hainbat egileren lanak eskaini ziren, hala nola León Siminiani, Antoni Padrós edo Andrés Duque egileenak. Gaur egun, ESCAC (Escola Superior de Cinema i Audiovisuals de Catalunya) eskolako koordinatzailea eta irakaslea da, eta REC Tarragonako Zinema Jaialdiko Programazio Batzordeko kidea da.

Philipp Engel

Philipp Engelek (Bartzelona, 1970) industria diskografikoaren hondoratzeari aktiboki lagundu zion hamarkada batez. Bere egitekoa bete ondoren, kultur kazetari lanetan hastea erabaki zuen. Go Mag aldizkarian kolaboratzen hasi zen, eta aldizkari horretan idazten jarraitzen du zinemari eta literaturari buruz. Halaber, Fotogramas aldizkarian lan egiten du, Qué Leer aldizkarirako literatur kritikak egiten ditu eta kontaketa bat argitaratu zuen Odio Barcelona (Melusina) liburu kolektiboan.

Ricardo Aldarondo

Ricardo Aldarondo (Donostia, 1961) zinema kritikaria eta kultura arloko erredaktorea da El Diario Vasco egunkarian eta kolaboratzailea da Fotogramas, Dirigido Por, Nosferatu eta Rock de Lux aldizkarietan. Informazioaren Zientzietan lizentziatua da, eta Donostiako Nazioarteko Zinema Jaialdiko Zuzendaritza eta Hautapen Batzordeko kidea eta Komunikazio burua izan da (2000-2009). Halaber, liburu hauek idatzi ditu: Películas clave del cine de aventuras (2008), Robert Wise (2005), Doctor Zhivago / La fiera de mi niña (1997) y La condesa descalza / Perdición (2000).

Liburu kolektiboetan ere parte hartu du, hala nola hauetan:Georges Franju; American Way of Death: Cine negro americano 1990-2010; Don Siegel; Richard Brooks; Terence Davies. Los sonidos de la memoria; Henry King; Entre el documental y la ficción. El cine de Imanol Uribe; Un cineasta llamado Pedro Olea; El cine fantástico y de terror de la Universal; Diccionario de películas del cine norteamericano. Antología crítica; Cine in Spagna Oggi; Cine fantástico y de terror alemán (1913-1927); American Gothic, el cine de terror USA 1968-1980 eta Teen Spirit. De viaje por el pop independiente.